3 Waxyaabood Waa Inaadan Soo Dhigin Baraha Bulshada

Ujeedooyin kala duwan ayay dadka u isticmaalaan baraha bulshada. si,kastaba isticmaalayaasha ayaa baraha bulshada u isticmaali kara xumaan ama samaan.
Dad badan ayaa baraha bulshada u isticmaala si qaldan, waa inaad taxadartaa marka ay noqoto inaad waxyaabo soo dhigto ama aad ku share gareyso barahaaga bulshada.
Waxyaabo aad dhigtay maanta ayaa beri dib kuugu soo laaban kara oo dhibaato kuu keeni kara.
Halkaan ka aqriso qaar kamid ah waxyaabaha ay tahay inaadan soo dhigin baraha bulshada.
- Ciwaanka guriga iyo taleefanka lambarka
Baraha bulshada maahan goob ammaan ah oo aad dhigi kartid lambarka taleefankaaga iyo ciwaanka gurigaaga maadaama ay barahaas isticmaalaan dad kala duwan.
Dadka qaarkood wax weyn kama dhiganayaan arrintan balse waxaa jira dad warbixinadaada u isticmaali kara inay kugula soo weeraraan gurigaaga.
- Sawirada wadasheekeysiyada qaaska ah (Screenshot)
Qaar kamid ah dadka waxay dabeecad u leeyihiin in sawirada wadasheekeysiyadooda qaaska ah ay soo dhigaan baraha bulshada.
Si,kastaba, qofna waa inuusan dhigin (screenshots) maadaama qof uu si sahal ah kaaga sameyn karo macluumaad been abuur ah uu ku weerari karo shaqsiyaddaada.
- Heerkaaga dhaqaale
Xittaa haddii aad tahay milyineer ama aadan ahayn, in baraha bulshada aad soo dhigto heerkaaga dhaqaale waa fikrad qalad ah. Sababta ayaa ah qof ayaa go’aansan kara inuu kugu soo weeraro lacagtaad sida adag ku shaqeysatay darteed.