4 Xaqiiqo oo ku saabsan xiriirka oo ay tahay in qof kasta uu ogaado
Waa murugo weyn inaad maanta aragto dad farabadan oo xririiradooda ka qaba rajooyin aan dhab ahayn. Wax waliba waxay leeyihiin biloow iyo dhammaad.
Waa kuwaan 4 xaqiiqo oo ku saabsan xiriirka oo ay tahay in qof kasta uu ogaado.
- Xiriirada qaar kama dhigna inay waligood jirayaan
Marka xiriir cusub la bilaawno qof, waxaan dhammaanteen rajeyna in xiriirkaas uu noqdo mid waligiis jira. Waxaan ku duceysanaa inaan qofkaas waqti isla qaadano isla markaana wada noolaano inta nolosheena ka dhiman balse xaqiiqda ayaa ah inaan dhammaanteen ogaano in dhammaan xiriirada aysan ka dhigneyn kuwo waligood jiri doona. Ha u qaadan inay tahay gaba gabada dunida haddii guurkaas ama xiriirkaas uu dhammaado; waa inaad mar kasta ogaataa in kuwa alle ugu talagalay inay wada joogaan ay isla joogi doonaan inta noloshooda ka dhiman.
- Xiriir kasta dhibaatadiisa ayuu wataa/ dusha u dhigo
Haddii guurka ama xiriirka uu dhab kaa yahay, waxaad u baahantahay inaad ogaato in guur kasta ama xiriir kasta uu dhibkiisa wato, inaad ka carartana dhibaatooyinkaas waxay ka dhigantahay inaadan diyaar u ahayn guur.
Waa inaad ogaataa marka uu culeys ama ay dhibaato soo wajahdo guurkaaga inaad adkeyneyso aasaaska guurkaaga.
- Ku qaado qofka sida uu yahay
Ha isku dayin inaad bedeshid ninkaaga ama xaaskaaga, waa inaad ku qaadataa oo aad ku aqbashaa sida ay yihiin haddii aad nabad u rabtid guurkaaga. Hal xaqiiqo oo quseysa xiriirka oo aad u baahantahay inaad ogaatid ayaa ah taas. Lamaankaaga waa inuu kugu qaataa sida aad tahay, haddii dabeecad xuntahay, haddii caro badantahay sababta ayaa ah, kaliya adigaa ayaa leh xaq isku leh inaad isbedesho, naftaada bedel.
- Marka hore jecloow naftaada
Tani arrin muhiim ah oo quseysa xiriirka oo loo baahanyahay in qof kasta uu ogaado. Qofna ma jeclaan kartid haddii aadan naftaada jeclaan marka. Xaqiiqda ayaa ah marka aad jeclaato naftaada, inaad qof si wanaagsan u jeclaaneysid. Ha isdayicin oo isdaryeel.
