Haddii aad aaminsaneyd in ragga ku jira da’da 20-ka aysan ku habbooneyn in lala haasaawo isla markaana ay qiyaanooleyaal yihiin, waad qaldantahay dibna ugu laabo shaqada gurigaaga.
Badanaa haweenka da’da yar ayaa doorta rag waaweyn sababtoo waxay aaminsanyihiin in ragga waaweyn ay u hayaan wax kasta oo ay nolosha u baahantahay iyo inay dhaqaalaha iyo wixii lamid ah ku wanaagsanyihiin isla markaana ay diyaar u yihiin guur.
Si’kastaba, cilmi baaris ayaa shaaca ka qaaday in ragga hantiileyaasha ah ay ka qiyaano badanyihiin ragga ku jira dabaqadda hoose iyo dhexe.
Hantiyada waxay la timaadaa awood, maadaama ay awooddaas wadatana, fursadaha aad ku heleeyso wax kasta oo ay ku jirto lamaanta aad ku riyooneysay sanado badan aad ayay suurtagal kuugu tahay.
Haddii aad aaminsaneyd in ragga waaweyn aysan wax qiyaanin, mar kale ka feker.
Daraasada ayaa muujisay in heerka lugooyada iyo qiyaanada ragga ay kusii korodho da’da, islamarkaana gaarto heerka ugu sarreeya marka ay gaaraan 55 sano.
Marka ragga ay gaaraan 50 jir, waxay bilaabaan inay ka walwalaan awoodooda ragganimo iyagoo bilaaba ka fekerka sida aysan ugu raaxeysan doonin dhaq dhaqaaqa galmada marka la eego sidii ay horey ugu raaxeysan jireen xilligii ay tamarta ama awoodda lahaayeen.
Daraasadda waxay sheegtay in ragga waqtigaas ay go’aan ku gaaraan inay bixiyaan fursaddoodii ugu dambeysay ee ay ku helayaan daaqsin cagaaran ama haween kale kahor intaysan faa’do gabin.
Inta ay qorshahaas wadaan ayaa la sheegay in wax badan ay qiyaanayaan haweenkooda.
Kadib 55 sano, qiyaanada ragga ayaa la sheegay inay hoos u dhacdo taasoo loo sababeeyay in waqtigaas in waqtigaas aysan u fir fircooneyn sidii hore isla markaana qancintooda ay yaraato.
