Qilaafaadka waa kuwo ka dhasha xiriir kasta waana lama huraan inaad garaneysid qaabka loo xakameeyo.
Hoos ka aqriso 4 siyaabood oo lagu raaligeliyo lamaankaaga/lamaantaada, sida aad u bad baadiso xiriirkaaga.
- Qiro qaladkaaga
Illaa aad diyaar uga noqoto inaad qirato qaladkaaga, diyaar uma tihid inaad bixiso raaligelin. Lamaantaada/lamaankaaga wuu ogaanayaa inaad ka xuntahay markaad qirato dambigaaga.
Iska inaad qirato dambiga hadaad gasho sababtoo ah taas ayaa ah guusha xiriirka lamaanaha.
- Ha sameyn mar kale qaladkaas
Run ahaantii inaad qirato qaladka maahan wax kaliya ku filan lamaankaaga/lamaantaada, waa inaad isku daydaa inaad qaladkaaas mar kale aadan sameyn isla markaana dhibaato aadan abuurin.
Qaad tallaabooyin hormar leh oo lamaantaada/lamaankaaga ka bad baadi walaac iyo qalbi jab.
Markaa taas sameyso waxaad u cadeysay lamaankaaga inaad si dhab ah uga xuntahay wixii dhacay.
Iska bar sida la iskaga ilaaliyo qaladaadka inaad mar kale aadan sameyn.
- Tusi dareen dhab ah
Markaad raali geliso lamaankaaga/lamaantaada, haka laba labeyn inaad u muujiso dareen dhab ah iyo daacadnimo .
Raaligelin qalbiga kasoo go’day waa muhiim haddii aad rabtid inaad dib ugu guuleysato kalsoonida iyo qadarinta lamaantaada.
Umuuji dareen dhab ah.
- Iska ilaali marmarsiiyo
Qaladka ay dadka badankood sameeyaan marka ay raali gelin bixinayaan ayaa ah inay marmarsiiyo raadiyaan ama sameeyaan, waana qasab inaad iska ilaaliso taas markaad lamaantaada/lamaankaaga raaligelineyso.
Markaad marmarsiiyo usameyso qaladaadkaaga, ma tuseysid inaad si dhab ah uga xuntahay qaladka isla markaana aad ka rabtid cafis.
