Waa dhibaato weyn in maalin waliba uu guri bur buro ama lamaane ay kala tagaan, waxana arrimahaas sabab u ah waxyaabo la iska ilaalin karo.
Waxaan halkaan idinkugu soo gudbineynaa 5 sababood oo guur farabadan u bur buray.
- Dhaqaalaha
Guur farabadan ayaa waxa uu uburburay dhibaatooyin dhaqaale dartiis,dhaqaale la’aanta ku heyso ayaa waxa ay bur burin kartaa guurka. Qoys kasta waxaa heysta culeysyo dhaqaale balse waxa wanaagsan oo fashilka ilaalin kara ayaa ah lamaanaha iyo sida ay u wajahaan culeysyada dhaqaale.
Samir ayaa loo baahanyahay, dhaqaale waxba ma ahan.
- Raaxo
Dhibaatooyinka galmada ayaa ah culeysyo kale oo saameeyay guur badan, lamaaneyaal badan ayaa garan waayay in galmada ay tahay qeyb muhiim ah oo kamid ah guurka.
Sidaa darteed, waa inaad fahamtaa baahida galmo ee heysa lamaanahaaga si aad uga hortagtid dhibaatooyin ku yimaada guurka.
- Saaxiibada
Saaxiibada waa qeyb muhiim ah oo kamid ah nolosheena balse waxaa muhiima in saaxiibada ay lahaadaan xuduud ama waxay saameynayaan guurkaaga.
Saaxiibka raba inaad siisid mudanaan kabadan tan aad siin lahayd lamaanahaaga wuxuu burburinayaa guurkaaga. Xaaskaaga waa inay noqotaa mudnaanta koowaad ma ahan saaxiibadaa.
- Xiriirka
Marka uusan jirin xiriir, guurkaaga dhibaato ayaa soo wajahaysa, xiriirka waa inuu laba noqdaa, waa in xaaskaaga aad ula xiriirtaa si joogto ah, sidoo kale xaaskaaga waa inay sameysaa sidaas oo kale.
Lamaanaha waa in mar waliba ay iska wareystaan xaaladda noloshooda.
- Xushmad la’aan
Xushmad la’aanta ayaa ah sabab kale oo guur farabadan u bur buray. Marka aad xushmeysid lamaanahaaga wax wanaagsan ayaad sameysay guurkana waad ilaalisay. Marka aad xushmeysid lamaanahaaga qiimo ayaad u yeeshay, waa in lamaanahaaga aadan ku xad-gudbin jir ahaan iyo hadal ahaan.
