LAYAABKA- Sawirro:- Dhaqtar nolosha ku aasa bukaannadiisa (Sheeko kaa yaabin doonta)
Dhaqtar ku takhasusay cudurrada dhimirka, ayaa nolosha ku aasa bukaannadiisa inta lagu guda jiro daaweynta sidaa darteed waxaa la sheegay inay dareemayaan inay noolyihiin.
Dhaqtarka oo lagu magacaabo Andrey Zhelvetro, ayaa bukkaanada galiya naxash kahor inta uusan aasin arrintaas oo la sheegay in qeyb ka tahay daaweyntiisa.
Falalkaan aan caadiga ahayn ee uu dhaqtarka ku dhaqaaqay ayaa waxaa ogaaday qof kamid ah dadka xaafadda oo goob keyn ah ka helay 12 naxash oo ebar ah oo la dhigay keyn u dhow caasimadda dalka Ukraine ee Kiev.
Qofkaan kamidka ah dadka deegaanka ayaa waxa uu sidoo kale helay kumannaan qabuuro cusub ah oo goor dhow la qoday, isagoo si deg deg ah ugu yeeray booliiska.
Booliiska ayaa waxa ay bilaabeen inay baaraan falka waxana uu baaritaankooda ku tegay dhaqtar Zhelvetro, oo qirtay in naxashyada uu u isaga u isticmaalay daaweynta dhimirka.
Waxaa la sheegay in dhaqtarka uu sidoo kale keynta geeyay 12 bukaanno ah isla markaana illaa laba saacadood uu nolosha ku aasay.
Muuqaal uu duubay Zhelvetro, isla markaana uu usoo bandhigay qorshe xayeysiin ayaa muujinaya bukkaanadiisa oo daaweynta yaabka leh maraya.
Muuqaalka ayaa waxaa ka muuqanaya naxash la galinayo qabri cusub oo kadibna lagu aasayo, nin shaati cad ayaa la arkayaa oo la galinaayo naxashka kahor inta aanan la aasain.
Zhelvetro ayaa yiri “ Waxan sanado kahor abuuray daaweyntaan, waxan ahay qofkii ugu horeeyay ee bilaaba, tani waa tababar kaa caawinaya inaad dareentid inaad nooshahay,”.
Mid kamid ah bukaannada oo nolosha lagu aasay ayaa yiri “ Markii aan kasoo baxay naxashka, waxan dareemay inaan noqday qof cusub oo kale,layaab ayay lahayd,”.
