Waa gabaygii iyo Geeraarkii an u tiriyay gabar an is jelayn oo magaceedu ahaa Faadumo Khaliif.
…
* Hadalkaaga wacan laabta buu, iga haleelaaye,
* Hamigayga wuu xoojiyaa, oo hasiliyaaye,
* Wadnahana hinqaarkuu dhigaan, harki la guuxaaye,
* Sidi Aar hal dilay baan saqdhexe, arar hinraagaaye,
* Haybadaad udhalatuu dihnigu, haykal ka hayaaye,
* Haasaawahaadaa ibaray, hadallo waawayne,
* Hablahana adoo kale rag baa, hayb ku xulayaaye,
* Hadal suuban hadiyiyo qoraal, habka ugu doorran,
* Habooney hadaad ila rabtoo, haatan i su’aashay,
* Wax kastoo ad iisoo hudhaa, waan ka helayaaye,
* Habaynkaan aroos wada galnana, kaba hamuun wayne,
* Hambalyiyo salaan iga gudoon, farxad ku heeraaran,
***
* Habooney mcnto,
* Hadal kuma dhamayn karo,
* Xiisaha an helayiyo,
* Hamuuntaan dareemiyo,
* Intaan kuu hilooboo,
* Hadaan kulan wadaagnana,
* Halis waxaan u galayaa,
* Hab inaan kusiiyoo,
* Kugu haysto laabtee,
* Hadana waxan ka yaabaa,
* Inaad Horor imoodiyo,
* Axad laga haboon yahay,
* Anna caashaq ba ihelay,
* Oo hawada ila galay,
* Hadaan yara hilmaamoo,
* Hab kusiiyo inanyahay,
* Haygu nicin waxan dhigo,
* Hawlo iga tan wayn buu,
* Wadnuhu ila higleeyaa,
* Markaan helo naftaadee,
* * *
______________________
Ahmed Aden Dheel
